Është shtyrë seanca në Gjykatën Kushtetuese për padinë e grupit parlamentar të PD-së kundër vendimit të qeverisë për konfiskimin e ndërtimeve pa leje.
Seanca është shtyrë për më 26 prill, për shkak të dorëheqjes së dy deputetëve, Grida Dumës dhe Alfred Rushaj.
Në një dalje për mediat, Bardhi e ka cilësuar si vendimin të padrejtë me pretendimin se është fakt i njohur botërisht që Alfred Rushaj dhe Grida Duma kanë qenë deputetë të grupit parlamentar kur kanë paraqitur kërkesën. Më tej Bardhi tha se kjo është një taktikë për të zvarritur më tej këtë çështje, ndërsa hodhi akuza ndaj kryeministrit Rama se po i bën presion Gjykatës Kushtetuese.
‘Dy kolegë deputetë të cilët kanë qenë në funksion të detyrës. Kjo është taktikë për zvarritjen e çështjes. Grupi i PD e ka depozituar në tetor këtë ngjarje. Do duhej të kishim një gjykim për këtë çështje. Është fakt i njohur publik se PD ka më shume se 28 anëtare, pra është i gatshëm të dorëzoje firmat e posaçme. VKM që bëhet qëllimisht për të zvarritur procesin. Nëse Gjykata çmon për 28 firma të tjera, jemi gati të çojmë edhe 28 të tjera.
Është fakt i njohur botërisht që dy deputetët kanë qenë në detyrë kur kanë vënë në lëvizje këtë çështje. Kjo është një ndër ato çështje ku për herë të parë në Kushtetuese, kryeministri i lejon vetes ku e kërcënonte institucionin. Uroj të mos jetë zvarritje për të fituar kohë.
Nuk pati vendim, Gjykata vendosi se do e marrë në shqyrtim në një kohë tjetër. Ne do i dorëzojmë shpjegimet tona me shkrim. Nga tetori deri tani ka kaluar shumë kohë për këtë vendim antikushtetues. Kryeministri ka guxuar t’i kërkojë GJK të mos lajthisë, ka ndërhyrë me autoritetin e tij presionin ndaj Kushtetues.’- tha Bardhi.
