Komiteti Teknik i Ekspertëve është mbledhur këtë të mërkurë dhe ka vendosur që maturantët të rikthehen në mësim.
Gjatë fjalës së saj kryetarja e Komitetit Teknik të Ekspertëve Mira Rakacolli tha se duke u bazuar mbi shifrat dhe analizën e shkaqeve që çojnë në këto shifra, ekspertët mendojnë që situata mbetet e qëndrueshme por shifrat përsëri nuk janë aty ku duhet të jenë për të liruar situatën. Më tej Rakacolli bëri me dije se masat nuk ndryshojnë, vetëm maturantët dxo të rikthëhën të zhvillojnë mësimin në klasë.
“Duke u bazuar në shifrat e SARS-COV 2 në moshat 15-20 vjeç, maturat të fillojnë mësimin në klasë. Është një masë vijimësia e të cilës do të kushtëzohet nga shifrat që do të monitorohen. Maturat duhet të zbatojnë me shumë rigorozitet protokollet e sigurisë për mbrojtjen.
Masat e tjera do të mbeten njëlloj, siç është ora policore nga ora 20:00-06:00. Baret e restorantet do të punojnë deri në orën 20:00 dhe njëkohësisht mësimi do të vazhdojë online për të gjitha pjesët e tjera të sistemit arsimor”, deklaroi Rakacolli.
Pra, Përjashtim do të bëjnë vetëm maturantët, të cilët do të lejohet të kthehen në shkolla, në mënyrë që të përgatiten për provimet që do të duhet të japin në përfundim të vitit shkollor./Opinion.al
