Aktualitet

Komisioneri Publik ankimon vendimin, kërkon shkarkimin e Anton Martinit


Bëhu pjesë e Grupit Zyrtar të Opinion.al
>> KËTU <<
               Publikuar në : 19:43 - 10/06/20 |
Opi Nion

Komisioneri Publik ka animuar në Kolegjin e Posaçëm të Apelimit vendimin e  Komisionit të Pavarur të Kualifikimit për konfirmimin në detyrë të Anton Martinit.

Martini mbanë detyrën e prokurorit në Prokurorinë pranë Gjykatës së Shkallës së Parë Shkodër. Komisioneri Publik vlerëson se referuar gjendjes së fakteve dhe provave të administruara nga Komisioni i Pavarur i Kualifikimit, duke theksuar se subjekti i rivlerësimit nuk arrin nivel të besueshëm për konfirmimin në detyrë.

Komisioneri Publik kërkon që shkaqet e këtij ankimi të merren në shqyrtim nga ana e Kolegjit të Posaçëm të Apelimit dhe, në përfundim të shqyrtimit të çështjes, në seancë publike, të vendosë ndryshimin e vendimit nr. 231, datë 29.1.2020, të Komisionit të Pavarur të Kualifikimit, dhe shkarkimin nga detyra të subjektit të rivlerësimit, Anton Martini.

Me 29 janar të këtij viti, Komisioni i Pavarur i Kualifikimit konfirmoi në detyrë kandidatin për SPAK, prokurorin Anton Martini. Vendimi erdhi pas dy seancave dëgjimore të mbajtura me 10 dhjetor 2019 dhe 27 janar 2020.

Seanca e dytë dëgjimore ndaj prokurorit Anton Martini u zhvillua pas riçeljes së hetimeve prej një denoncimi mbi shortimin e çështjeve në Prokurorinë e Shkodrës, gjatë kohës që ai ishte drejtues.

Sipas denoncimit, Martini kishte riorganizuar punën në prokurorinë e Shkodrës dhe më pas kishte ndarë çështje, duke ua hequr disa prokurorëve dhe vendosur të tjerë pa respektuar procedurat e shortimit. Në një rast, ai akuzohej se kishte pranuar dorëheqjen e një prokurori nga një çështje dhe kishte bërë caktimin e një prokurori tjetër.

Prokurori Anton Martini dha një panoramë më të detajuar të shortimit. Ai tha se kishte marrë pa dëshirën e tij detyrën e drejtuesit, pasi “kishte pasur çështje të rëndësishme në hetim në Tiranë” dhe se kishte gjetur probleme të organizimit në prokurorinë ku ishte dërguar. Martini u hetua nga trupa gjykuese e përbërë nga Genta Tafa Bungo, Etleda Çiftja dhe Pamela Qirko./ Opinion.al

Pas