Miqësoret e qershorit ndaj Wells dhe Çekisë do t’i shërbejnë kombëtares si test për kualifikueset e botërorit. Por duke qenë se grupi është i fortë, atëherë mbetet vetëm që lojtarët të marrin ndeshjet një nga një dhe më pas t’i vënë vetes objektiva.
“Këto miqësore janë një test i rëndësishëm përpara ndeshjeve me Hungarinë dhe Poloninë, do t’i vlerësojmë maksimalisht. Kemi grup të vështirë në eliminatore. Nuk duhet të masim forcat me Anglinë, por të bëjmë maksimumin. Duhet t’i marrim maksimumin këtyre eliminatoreve, duhet të përgatitemi sa më shumë”.
Po përse janë zgjedhur pikërisht Wellsi dhe Çekia si kundërshtarë në miqësore.
“Lojtarët e Uellsit dhe Çekisë janë në një nivel me Poloninë dhe Hungarinë, duhet të shohim se çfarë duhet të përmirësojmë. Ne nuk i nënvlerësojmë edhe ekipet që fituam, nuk mund të nënvlerësojmë asnjë skuadër.
Edhe kur kam folur me trajnerin, më ka treguar pozicionin dhe tani duhet ta shpërblej në fushën e lojës. Eksperienca në kampionatin turk më kaq ndihmuar shumë të rritem. Në momentin që më jepet mundësia do të jap më të mirën për të bindur trajnerin”.
Grupi i lojtarëve është kompletuar dhe të gjithë janë në dispozicion të trajnerit reja që në këto dy ndeshje nuk do të eksperimentojë por do të përpiqet të marrë konfirmime nga lojtarët për gjendjen e tyre dhe përshtatjen me idetë e tij të lojës.
