Sport

Kolumbia leksion Argjentinës, Messi mban mbi shpatulla humbjen


               Publikuar në : 12:40 - 16/06/19 |
geliano fataj

Argjentina e nisi si mos më keq përpjekjen për të fituar trofeun e Copa America, pasi u mund 2-0 nga Kolumbia në ndeshjen e parë të turneut.

Kështu kombëtarja vijon të mbetet makth për Lionel Messin. “Ylli” i Barcelonës, që ka ndoshta shansin e fundit për të fituar diçka të rëndësishme me përfaqësuesen bardhekaltër, nuk mundi të bënte më shumë për të shmangur humbjen.

Një rast i pastër pashfrytëzuar nga 5 herë fituesi i Topit të Artë në minutën e 67-të peshoi shumë, pasi 4 minuta më vonë Roger Martinez realizoi një gol të jashtëzakonshëm, që nuk i dha asnjë mundësi reagimi portierit argjentinas.

Të kota përpjekjet e skuadrës së Scalonit për të barazuar shifrat, teksa në të 86-ën, Duvan Zapata shënoi golin e sigurisë për Kolumbinë, që merr kështu një fitore të madhe e që i jep përparësi ndaj rivalëve në grup. Në fushë pati momente tensioni pas një ndërhyrjeje të rëndë të Cuadrados ndaj Messit, që u pasua me një përleshje masive./ Opinion.al

Pas