Aktualitet

Mesazhet/ Si përdoret administrata në fushatën elektorale


               Publikuar në : 12:53 - 16/06/19 |
geliano fataj

Teksa Kryeministri Edi Rama po mbante fjalën në Maliq, një denoncim u bë nga Partia Demokratike.  Ish-deputeti Ervin Salianji ka postuar në rrjetet sociale disa foto, ku tregohet se si përdoret administrata për fushatë elektorale.

Kryetari i bashkisë që kërkon mandatin e gjashtë kërcënon punonjësit e administratës me vendin e punës nëse nuk sjellin 4 persona! Njësoj siç kërcënon 1600 familjet me ndihmë ekonomike, njësoj si kërcënohen bizneset me gjoba dhe familjaret me bukën e gojës!”, shkruan Salianji.

Vetëm një muaj më parë, qeveria miratoi vendimin për ndalimin e përdorimit për çfarëdolloj arsyeje apo në çfarëdolloj forme të administratës për qëllime elektorale në fushatën e zgjedhjeve lokale të 30 qershorit.

Sipas njoftimit për shtyp të Kryeministrisë ky vendim nxit paanshmërinë dhe trajtimin e barabartë të kandidatëve në marrëdhëniet me administratën publike dhe burimet e saj.  Por në fakt vendimet në Shqipëri prej kohësh janë vetëm në letra, sepse zbatimi i tyre duket i pamundur./ Opinion.al

Pas