Kronikë

Koka e trafikut të drogës, Agim Çerma i dënuar përjetë, si u lirua


Bëhu pjesë e Grupit Zyrtar të Opinion.al
>> KËTU <<
               Publikuar në : 14:28 - 20/07/21 |
Opi Nion

Agim Çerma, i arrestuar në Kolumbi si kreu i një grupi kriminal që merrej me tafikimin e kokainës me charter, rezulton të jetë i dënuar në vendin tonë me burgim të përjetshëm për vrasje.

Sipas Abc news ky vendim është dhënë nga Gjykata e Elbasanit në vitin 1998 për vrasjen e Gezim Liçit dhe plagosjen e efektivëve të policisë.

Bëhet fjalë për një ngjarja që ka ndodhur në ’97-ën po në Elbasan. Asokohe u arrestua dhe vëllai i Agimit, Gazmend Çerma, i cili u dënua me 11 vite burg. Ky i fundit e ankimoi këtë vendim në Apelin e Durrësit, por kërkesa iu refuzua. Në ankimim Gazmend Çerma ia kalonte përgjegjësinë për ngjarjen të vëllait, Agimit, duke argumentuar se nuk kishte dijeni se i vëllai i tij kishte armë me vete dhe se do të kryente vrasjen.

Të njëjtin veprim ka kryer edhe Agim Çerma duke ankimuar dënimin përjetë. Kjo kërkesë i është refuzuar nga Apeli i Durrësit dhe Gjykata e Lartë. Ndërsa Kushtetuesja ia kaloi çështjen Shkallës së Parë në Elbasan për rigjykim. Kjo e fundit ia kaloi çështjen Gjykatës së Lezhës, pasi dënimin, Agim Çerma po e kryente në burgun e Shënkollit.

Referuar të dhënave të gjeneruara nga sistemi i kësaj Gjykate, Agim Çerma, në vitin 2012 është liruar me kusht në rrethana ende të paqarta. Abc news mëson se lirimi i tij mban firmën e gjyqtares Parashqevi Ademi. Në 2015-ën, Ademi është arrestuar për korrupsion dhe shpërdorim detyre. Ndërsa ish-Gjykata e Krimeve të Rënda e dënoi me 4 vite burg.

Pasi la qelinë e burgut, Agim Çerma mendohet se është larguar drejt vendeve te Europës dhe më pas në vendet e Amerikës Latine ku është përfshirë në trafikun ndërkombëtar të drogës.

Kujtojmë se Çerma u arrestua një ditë më parë, së bashku me 4 bashkëpunëtorët e tij, pas një operacioni të agjencisë amerikane, DEA./Opinion.al

Pas