Skudra që do të fitojë Kampionatin Europian të Futbollit “Francë 2016”, përveç ngritjes së kupës dhe gdhendjes së emrit në histori, do të thotë edhe miliona euro fitime.
Kombëtarja që fiton “Francë 2016” do të arkëtojë plot 27 milion euro.
Kampionati fillon sonte me ndeshjen Francë Rumani, ndërsa nesër do të luajë Shqipëria përballë Zvicrës.
Për kombëtaren tonë të futbollit kjo mund të konsiderohet një ngjarje e madhe, pasi për të parën herën Shqipëria është e barabartë mes të barabartëve, pas një kualifikimi historik.
Kuqezinjtë do të fitojnë 8 milionë euro, aq sa është shuma e përcaktuar nga UEFA për skuadrat e kualifikuara.
