Njerëzit më së miri duken në të tridhjetat, ka treguar studimi i ri, në të cilin theksohet që femrat janë më të bukura me 30 vjet, ndërsa meshkujt me 34.
Studimi, në të cilin kanë marrë pjesë 2000 njerëz, ka treguar që femrat kulmin e bukurisë e arrijnë në moshën 30-vjeçare, shenjat e plakjes bëhen të dukshme me 41 vjet, ndalen së qeni seksi në moshën 53-vjeçare, ndërsa bëhen të vjetra me 55 vjet, transmeton koha.net.
Meshkujt më së miri duken në moshën 34-vjeçare, ndërsa shenjat që plaken shfaqen në moshën 43- vjeçare. Në moshën 58-vjeçare nuk duken më bukur, ndërsa në moshën 59 tashmë janë të vjetër.
“Në të kaluarën është konsideruar që njerëzit më të bukur janë në të njëzetat e vonshme. Por, në kohën e sotme çdo gjë ka të bëjë me parandalimin e plakjes dhe ruajtjen e bukurisë sa më gjatë. Çdo ditë shohim persona të famshëm që kanë më shumë se 50 vjet dhe duken jashtëzakonisht mirë”, ka thënë Jillian Mackenzie, nga revista “Allure:, e cila ka kryer hulumtimin.
Po ashtu, hulumtimi ka treguar që njerëzit preparatet kundër plakjes fillojnë t’i përdorin me 37 vjet, ndërsa shumë përcaktohen edhe për operacione plastike dhe botoks.
