“Ta pastrojmë Shqipërinë në një ditë”. është kjo lëvizja civile, e cila ka realizuar para pak ditësh aksionin e pestë për ta pastruar vendin nga mbeturinat e hedhura kudo.
Më shumë se 1500 vullnetarë të kësaj lëvizjeje i janë bashkuar aksionit “Për një Shqipëri të pastër” , duke u angazhuar në pastrimin e disa qyteteve shqiptare.
Ervin Shehaj, iniciatori dhe organizatori i kësaj lëvizjeje, ka pohuar se pjesë e kësaj nisme ndërkombëtare, nën emrin “Let’s Do It World” janë 112 vende të botës.
Një vit më parë, kjo lëvizje është vlerësuar me çmimin “Act Now” nga Ambasada Amerikane.
