Bota

Kina kufizon lojërat online për fëmijët


Bëhu pjesë e Grupit Zyrtar të Opinion.al
>> KËTU <<
               Publikuar në : 17:39 - 01/09/21 |
Opi Nion

Autoritetet në Kinë, shteti që ka tregun më të madh në botë të video-lojërave, për vite me radhë kanë shprehur shqetësimin e tyre lidhur me video-lojërat dhe lojërat në internet në mesin e të rinjve. Ndaj është nxjerr një vendim i ri ku kufizohet periudha kohore që fëmijët duhet të luajnë video-lojëra.

Kjo grupmoshë mund të shfrytëzojë kohën nga ora 20:00 deri në ora 21:00 gjatë të premteve, të shtunave dhe të dielave si dhe gjatë ditëve të festave.

Administrata Kombëtare e Shtypit dhe Publikimit tha se rregullat e reja ishin përgjigje ndaj shqetësimeve në rritje se ato ndikonin në shëndetin fizik dhe mendor të fëmijëve. Në Kinë ekzistojnë klinika ku aplikohen terapi dhe ushtrime ushtarake, për ata që vuajnë nga ajo që njihet si “çrregullim nga lojërat”.

Rreth 62.5 për qind e të miturve kinezë shumë shpesh luajnë lojëra online dhe 13.2 për qind e përdoruesve të lojërave, që janë nën moshë madhore, luajnë lojëra në celularë më shumë se dy orë në ditë gjatë ditëve të javës, raportoi media shtetërore kineze.

Kompanitë e lojërave online duhet të sigurohen që përdoruesit përdorin emrat e vërtetë dhe të gjitha të dhënat më pas do të dërgohen në një sistem kundër varësisë, që është krijuar nga Administrata Kombëtare e Shtypit dhe Publikimit.

Kjo e fundit tha për agjencinë e lajmeve Xinhua se do të rrisë inspektimet ndaj këtyre kompanive që të respektohen kufizimet e reja. Ky rregullator po ashtu do të rrisë masat për bizneset nëse shkelin rregullat dhe po ashtu edhe gjobat.

Pas