Bota

Kim Jong zotohet të ndërtojë “ushtri të pathyeshme”: Armët janë për vetëmbrojtje


Bëhu pjesë e Grupit Zyrtar të Opinion.al
>> KËTU <<
               Publikuar në : 08:50 - 12/10/21 |
Opi Nion

Udhëheqësi i Koresë së Veriut, Kim Jong-un është zotuar të ndërtojë një “ushtri të pathyeshme” përballë politikave armiqësore të Shteteve të Bashkuara të Amerikës, raportojnë mediat shtetërore.

Kim Jong-un shtoi se zhvillimi i armëve ishte për vetëmbrojtje, dhe jo për të filluar një luftë.

Kjo deklaratë e Kim Jong-un u bë në një ekspozitë me një sërë raketash të mëdha.

Koreja e Veriut kohët e fundit ka testuar ato që pretendon se janë raketa të reja hipersonike dhe kundërajrore. Ndërkohë, Koreja e Jugut ka testuar armën e vet të lëshuar nga nëndetëset.

Në fjalimin e tij në ekspozitën “Vetë-Mbrojtja 2021” të mbajtur në Phenian, Kim iu drejtua ushtrisë në Jug dhe tha se Koreja e Veriut nuk donte të luftonte fqinjin e saj.

“Ne nuk po diskutojmë luftën me askënd, por po mbrojmë sovranitetin kombëtar,” tha ai.

Kim gjithashtu akuzoi SHBA për nxitjen e tensioneve midis Koresë së Veriut dhe asaj të Jugut.

Ai shtoi se nuk kishte “asnjë bazë” për ta bërë Korenë e Veriut të besojë se SHBA nuk ishte armiqësore.

SHBA nën Presidentin Joe Biden ka thënë vazhdimisht se është e gatshme të bisedojë me Korenë e Veriut, por ka kërkuar që Pheniani të heqë dorë nga armët bërthamore para se të lehtësohen sanksionet. Koreja e Veriut deri më tani ka refuzuar./Opinion.al

Pas