Këtë të martë, në disa qytete të vendit do të ketë ndërprerje të energjisë elektrike. Lajmi është bërë i ditur nga OSHEE, përmes njoftimeve të bëra në faqen zyrtare “Facebook”.
Qytetet që preken nga ndërprerja e energjisës elektrike janë Kurbini, Librazhdi, Kukësi, Shkodra, Kruja, Puka, Berati.
OSHEE bën me dije se shkak për këtë ndërprerje të përkohshme të energjisë janë punimet që po kryhen në rrjet.
Kështu, njoftohet se si pasojë e kryerjes së remontit në linjën 220kV Koman – Kolacem, do të ndërpritet energjia gjatë intervalit kohor 08:00-16:00 në këto zona në Kurbin: Lagjia “Demokracia”, Thumane dhe Fshati Dukagjin.
Në Librazh po ashtu do të ketë ndërprerje të energjisë për shkak të investimit për mirëmbajtjen e rrjetit. Pa drita do të mbesin nga ora 10:00 deri në orën 12:00 Komuna Proptisht Pogradec dhe nga ora 12:00 deri në orën 14:00 Komuna Stravaj, fshatrat Dritaj,Rastan, Prrenjas Fshat, qender, Shqiponje, Stranik, Stravaj dhe Vishok.
Disa zona do të jenë pa drita sot edhe në Kukës, nga ora 12:30-16:00, për shkak të investimit për mirëmbajtjen e rrjetit. Do të preken zonat: Bele, Breki, Topojan, Gjaferaj, Cernaleve, Kollovoz, Lojme, Nimce, Tejnimqe, Novosej, Stane Novosej, Orgjost, Oreshke, Orcikel, Shishtavec, Borje, Turaj, Zapod, Kroi I Bardhe, Imqallar, Toroqic, Shtreze, Grudallar, Njesia bashkiake Bicaj, Ujmisht, Gostil, Lagjet 1, 2, 3, 6 dhe Muje.
Nga ora 09:00-12:30, në vijim të investimit për mirëmbajtjen e rrjetit, në Shkodër do të mbesin pa energji elektrike: Pjesërisht Qyteti Koplik, Njësia Administrative Shkrel, fshatrat Goraj, Katun Kastrati, Gradiskije. Në Ktosh, Demiraj, Grudë fushë, Gruemirë, Cesme, Kaldrun, Sterbeq, Jubicë dhe Flakë dritat do të shkëputen në orarin 12:30-16:00. Zonat Bajzë, Aliaj, Kastrat, stacioni i trenit do të kenë mungesë të energjisë nga ora 09:00 deri në orën 16:00.
Nga investimet për mirëmbajtje rrjeti, në Krujë, gjatë intervalit kohor 10:00-14:00, do të punohet në disa fidera dhe pa energji do të mbeten: Fabrika e Tullave në fshatin Zallë, Ish reparti ushtarak Gjin, Ura e Gjolës, Budell, Bubq, Mazhë, Mallkuc dhe Tari.
Edhe Korça është një nga qytetet që do të ketë stakime të energjisë. Do të punohet në disa fidera të NST Vranisht dhe pa drita në intervalin kohor 10:00-12:00 do të mbesin Ish-komunat Progër, Pojan dhe nga ora 12:00 deri në14:00 do shkëputet energjia në Hoçisht, Vranisht, Stropan dhe Baban.
Për shkak të remontit në linjën 110kV Fushë Arrëz – Lajthizë, në Pukë nga ora 06:00 deri në orën 14:00, do të mbesin pa drita zonat: Bardhet, Kryezi, Qafë Mali, Flet, Xath, Lajthizë, Qytet Fushë Arrëz dhe Nushaj.
Ndërkohë në Berat bëhet me dije se do të ketë probleme me furnizimin me energji elektrike ditën e sotme e po ashtu edhe nesër si dhe me datë 15. Në këto data, gjatë intervalit kohor 06:00-14:00 do të stakohet energjia në këto zona në Berat: Ish komuna Allkaj: Zhelizhan, Mazhaj, Kundje, Toshkëz, Allkaj, Delisufaj, Bicakaj, Poshnjë, Goriçan, Çiflik, Kuçovë, Jagodinë, Suk dhe Arabaj.
Ndërsa, në Ballsh, zonat Dukas, Drenovë Fushë, Belishovë, Lapunecë, Ngracan, Visok dhe Lofkënd do mbesin pa drita sot gjatë intervalit kohor 06:00-14:00 për shkak të të investimit që po kryen OSSH në linjën 35kV Patos – Ballsh, ndërsa ndërprerja në të njëjtin interval kohorë do të vijojë edhe ditën e nesërme dhe më 15 tetor.
