Një artikull i Shije.al tregon se sa kile shtuan vipat gjatë periudhës së festave.
Einxhel Shkira
Me prezantuesen e programit Hip-Hop në “IN” Tv, Einxhel Shkira ka ndodhur një fenomen i çuditshëm. Deri në datën 2 janar ajo kishte shtuar 2 kg, por që kur gripi e mbërtheu, ajo thuajse i ka humbur ato. Peshën më të madhe Einxhel mendon se e ka marrë në pjesën e gjoksit, pasi në anët e tjetra të konstruktit të trupit ajo nuk ndryshoi thuajse fare. 2 kg-ët ajo i mori falë panettoneve me shumicë që konsumonte pa pikën e kontrollit.
Mihrije Braha
Mihrije Braha ka pasur një fundvit shumë të ngarkuar, aq sa nuk ka pasur fare kohë të ushqehet në mënyrë të rregullt. Ka qëlluar një femër me fat duke pasur parasysh edhe faktin që Mihrija konsiderohet si një nga femrat me trupin më të bukur nga estrada e artistëve kosovarë.
Aulona Musta
Kryeredaktorja e gazetës “Paloma”, Aulona Musta ka shtuar 5 kg që nga fillimi I dhjetorit dhe pjesën më të madhe e ka marrë gjatë festave. Ajo i është përveshur Panettones, bakllavasë dhe ëmbëlsirave të tjera. Aulona ka ndërmend që këto kilogramë t`i heqë në palestër dhe duke iu rikthyer regjimit ushqimor të kontrolluar.
Diedon Musa
Ish-konkurenti i BB8 me profesion stomatolog, Diedon Musa e ka kaluar në Tiranë Vitin e Ri dhe i është vërsulur mishit si kurrë më parë, atij të qengjit dhe të viçit. Rezultati? Ka marrë 3 kg dhe shpreson t`i heqë më palestër dhe dietë.
Xhesika Trola
Prezantuesja e “Digitalb”, Xhesika Trola këtë vit të ri e ka pasur pisk punën. Meqë mori iniciativën që bakllavanë ta bënte vetë në bashkëpunim me mamanë, gjysmën e tepsisë e ka konsumuar po prapë ajo, duke u përkthyer në 1.5 kg të shtuara. Tani po mendon t`i futet fuqishëm palestrës për t`i hequr qafe ato.
Alda Bida
Skenaristja dhe bashkëproducentja e “Deliart Association”, Alda Bida prej disa javësh po shijon si turiste Portugalinë së bashku me Petri Bozon. Në këtë vend ata kanë kaluar edhe natën e ndërrimit të viteve. Alda ka preferuar të ushqehet vetëm me prodhime deti dhe s`ka futur në gojë as bakllava e as mish. Vizitat e shumta në qendrat turistike të këtij shteti I ka bërë me këmbë gjë që ka ndikuar që ajo të mos e ndryshojë fare peshën e saj.
Klodiana Shala
Atletja dhe pronarja e “Kinetic Fitness” Klodiana Shala, nuk e ka peshuar veten e saj kur konsumoi darkën e fundvitit, pasi menjëherë të nesërmen i dogji kaloritë me vrapin nga liqeni. Domosdo, Klodi s`mund t`ia lejojë vetes këtë “mëkat”, sidomos në fillimviti.
Alessio Aliaj
Modeli dhe menaxheri i artistëve Alessio Aliaj ka ditur si t`i shmangë kilogramët e tepërt në ndërrimin e viteve dhe këtë nuk e bëri me ndihmën e asnjë sporti, por me ndihmën e seksit. Po, po Alesio ka bërë shumë seks, ka pirë alkool me shumicë dhe nuk ka fjetur nga 31 dhjetori -2 janar 2016 thuajse fare për shkak të dy eventeve që kishte organizuar në Melbourne, Australi.
Jeta Faqolli
Këngëtarja Jeta Faqolli nuk ka konsumuar shumë ushqime gjatë Vitit të Ri pasi atë nuk e tundon asnjë tavolinë e shijshme. Jeta mundohet të hajë aq sa stomaku i saj e lejon në mënyrë që të shmangë problemet me tretjen, kësisoj edhe pesha e saj s`ka ndryshuar fare.
Aida Shtino
Ish- moderatorja e programit “Njerëz të Humbur”, aktualisht e emisionit “Për ju” Aida Shtino, e ka kaluar në shtëpi Vitin e Ri së bashku me familjen e saj duke gatuar kryesisht gjëra bio dhe duke shmangur yndyrnat. Për herë të parë këtë vit, ajo nuk gatoi bakllava dhe siç duket kjo i ka prirë për mbarë moderatores, pasi nuk ka marrë as edhe një gramë më shumë nga pesha e saj normale.
