Gazetarja Oljana Maloku tha në emisionin Opinion se në Shqipëri ka mungesë të fuqisë punëtore. Ajo përmendi një nga sektorët, atë të fasonerisë. Por për ish-deputetin Dashamir Shehi këto janë përralla.
“Ajo zonja këtu thotë se kemi fasonë. Tani fasoneria është një lloj biznesi, është i ndërtuar mbi skllavërinë e punëtorit, për disa kohë ishte i vlefshëm në Shqipëri. Mbaroi! Do spostohet nga Shqipëria, nuk mund të punoj me 200 mijë lekë, këta nuk duan punëtor, këta duan skllevër. Kapitalizmi shqiptar është i egër, i ndërtuar nga pronari, në shumicën e rasteve injorant, turp më vjen që e them, por meqë kam qenë ministri i Punës këtu e 30 vite më parë diçka di nga kjo punë. Kapitalizmi është një shoqëri aksionere dhe duhet ti bësh bashkë pronarë, inxhinieri, dreqin… Do të marrin pjesë tek fitimi jot, si mund ti marrësh vetëm ti dhe atij inxhinierit do t’thuash të marri 70 mijë lekë të vjetra dhe ti të marrësh 700 milionë në vit dhe do i japësh atij të firmosi dhe ca letra kot dhe do iki. Sigurisht që do iki ai”
Pagat sipas tij ndikojnë edhe tek rendimenti i punëtorëve.
“Kush janë punët më të mëdhenj në Shqipëri? Punët më të varfra, skllavëria e kohërave moderne, ja kjo. Call Centeri spostohet nga Italia se në Romë i kërkojnë 850 euro mesatarisht rrogën dhe nuk u leverdisë, prandaj kanë ardhur në Shqipëri. Mirë kanë bërë që kanë ardhur. Këtu rroga mesatare rrotullohet 300-400 euro dhe mbijetojnë ata. Skllavëri është edhe ajo. Fasoneria janë në limit e fundit, atëherë kjo ekonomi duhet të azhurnohet dhe do të mbajë punëtorët e kualifikuar, pjesa tjetër do mbyllen do i nënshtrohet rregullave normale të kapitalizmit. Pastaj këto do të spostohen në vene të tjera në Pakistane etj…”/ Opinion.al
