E keni menduar ndonjëherë që sëmundjet seksualisht të transmetueshme nuk transmetohen ashtu siç mendoni ju? A e keni menduar ndonjëherë gjithashtu se, aktiviteti që po kryeni mund të duket i sigurtë por ajo është një formë trasmetimi?
Fatmirësisht ka shumë studime dhe raporte nga organizata të ndryshme shëndetsore që japin përgjigje dhe sqarojnë çfarë është e sigurtë dhe çfarë jo. Më poshtë do të lexoni disa informacione që ju ndihmojnë të ulni rrezikun si për SST, ashtu edhe për të mbeturit shtatzënë.
Aktivitete aspak të rrezikshme ose rrezikshmëri e ulët
Puthja: nuk ka rrezik për SST dhe as shtatzëni.
Prekja: rrezikshmëri e ulët (për lëkurë të çarë ose dëmtuar) për SST nëse prekesh me partnerin pa shkëmbyer lëngje ose kontakte direkt në lëkurë të organeve gjenitale. Asnjë rrezik për shtatzëni.
Lodrat e seksit: rrezikshmëri e ulët (nëse lodrat janë përdorur më parë pa barriera dhe nuk janë higjienizuar, ka rrezik për infeksion urinar, bakterie vaginale dhe klamidia). Nuk ka rrezik për shtatzëni.
Seks manual: stimulimi i organeve të partnerit duke përdorur gishtat ose duart, ka nivel të ulët të rrezikut për SST. Infeksionet e mundshme janë HPV, lythat gjenital, klamidia, herpes gjenital dhe sifiliz. Nuk ka rrezik për shtatzëni.
Seks i thatë: fërkimi i organeve gjenitale të mbuluara dhe pa shkëmbyer lëngje trupore ka rrezik të ulët SST. Infeksionet e mundshme janë morrat pubike dhe trikomonias. Rreziku për shtatzëni është i ulët (nëse vetëm njëri nga partnerët ka të brendshme veshur).
Aktivitete me rrezikshmëri e moderuar
Cunnilingus: seksi oral i performuar të femrat paraqet rrezik të moderuar për SST. Infeksionet e mundshme që mund të transmetohen janë kankroidi, klamidia, cytomegalovirus, gonorrhea, hepatitis A dhe B, HPV, HSV, sifilizi, HIV (rrallë). S’ka rrezik për shtatzëni.
Fellatio: seksi oral i performuar te meshkuj paraqet nivel të lartë të rrezikshmërisë për SST. Infeksionet e mundshme janë kankroidi, klamidia, cytomegalovirus, gonorrhea, Hepatiti A dhe B, HSV, HPV, sifiliz, HIV (rrallë). S’ka rrezik për shtatzëni.
Fërkimi i organeve gjenitale të pambuluara: ka nivel të moderuar ose të lartë të rrezikshmërisë. Rreziku rritet me prezencën e lëngjeve trupore. Infeksinet e mundshme janë kankroid, klamidia, cytomegalovirus, gonorrhea, HBV, HCV, HSV, HIV, HPV, NGU, PID, morra gjenital, sifiliz, trikomonias. Rreziku për shtatzëni është i mesëm.
Aktivitete me rrezikshmëri të lartë
Shkëmbim lëngjesh vaginale dhe sperme: shijimi, gëlltitja apo kontakti oral ose gjenital me lëngjet paraqet rrezikshmëri të lartë. Infeksionet e mundshme janë kankroid, klamidia, cytomegalovirus, gonorrhea, HIV, HPB, Hepatit A, B dhe C, NGU, HSV. Nuk ka rrezik shtatzënie nëse kontakti është oral. Ka rrezik të lartë nëse kontakti është gjenital.
Analingus: seks oral i performuar në anus ose rektum me buzë apo gjuhë paraqet rrezikshmëri të lartë për SST. Infeksionet e mundshme janë të gjitha të lartpërmendurat si dhe lythat gjenital, HAV, HCV dhe infeksionet nga bakteret e rektumit.
Seks anal: rreziku për SST është i lartë. Infeksionet e mundshme janë janë kankroid, klamidia, cytomegalovirus, gonorrhea, HIV, HPB, Hepatit A, B dhe C, NGU, HSV, morra pubik, dhe sifiliz. Nuk ka rrezik shtatzënie.
Seksi vaginal: rrezikshmëria është e lartë. Sëmundjet e ndryshme që mund të transmetohen jaë të gjitha të lartpërmendurat si dhe CMV, PID, dhe trikomonia. Niveli i rrezikshmërisë për shtatzëni është gjithashtu i lartë.
Çfarë e shton rrezikun?
Kontakti direkt me gjak apo menstruacione, kontakti i gjatë seksual, lubrifikanti i pamjaftueshëm, acarimi i gjentitaleve dhe kur këto të fundit janë të sapodepiluara./Përgatiti: Elena Lika/Opinion.al
