Eurovision është padyshim më tepër se sa vetëm një festival muzike. Syri kritik nuk mund ti shpëtojë aspak detajeve, dhe kur ke të bësh me më tepër se 42 shtete, ato janë të shumta. Në finalen e këtij kompeticioni, veç këngës më të bukur, u komentua performanca, zëri, por edhe mënyra e veshjes. Njihuni me 5 këngëtarët të cilët ishin veshur më bukur:
1 – Estonia – Nechayeva ishte këngëtarja e cila përfaqësoi Estoninë në këtë kompeticion. Ajo ngriti publikun në këmbë me këngën La forza, por impaktin e dha edhe fustani që ajo kishte zgjedhur. Fustani i saj përdori risitë e video-projektorit për ti dhënë efektet mbresëlënëse.
2 – Izrael – Për Neta-n Eurovision paska qen vendi i sukseseve të mëdha. Kritikët vlerësuan te vajza karizmatike që përfaqësoi Izraelin, jo vetëm këngën dhe performancën, por mesa duket edhe veshjen.
3 – Qipro – Eleni Fouriera shkëlqeu me plotë kuptimin e fjalës në skenë. Performanca e saj ishte nga më shpërthyeset, edhe pse u rendit në vendin e dytë. Vajza me origjinë shqiptare është vlerësuar gjithashtu si një prej këngëtareve të veshura më bukur.
4 – Finlanda – Saara Aalto kishte zgjedhur një fustan klas dhe seksi ngjyrë të zi. Ajo dukej shumë seksi edhe me çizmet e gjata me takë teksa performonte Monsters në gjysmë – finale.
5 – Islanda – Ari Ólafsson këngëtari që përfaqësoi Islandën i mbajti gjërat të thjeshta por tërheqëse. Kostumi i tij i bardhë, i ra në sy për mirë kritikëve.
