Kellyanne Conway njoftoi dorëheqjen nga posti i saj si këshilltare e lartë e presidentit amerikan, Donald Trump.
53-vjeçarja deklaroi se do të largohet në fund të gushtit për t’u fokusuar më shumë tek fëmijët e saj, duke iu dhënë atyre “më pak dramë, dhe më shumë përkujdesje”.
Conway shton se ky ishte një vendim i saj dhe shumë shpejt do të zbulojë planet për të ardhmen. Bashkëshorti i saj George, një kritik i njohur i presidentit, gjithashtu do të tërhiqet nga aktivizmi politik.
Njoftimi erdhi vetëm disa orë pasi vajza e saj Claudia, 15 vjeç, shkruajti në Twitter se puna e mamasë i kishte shkatërruar jetën.
Pavarësisht dorëheqjes, Conway pritet të flasë në Konventën Kombëtare Republikane të mërkurën, kur Trump pritet të shpallet kandidat zyrtar i kësaj partie për zgjedhjet presidenciale.
Ajo njihet si një stratege republikane, dhe ka shërbyer për katër vjet në administratën e presidentit Trump. Ajo është gjithashtu gruaja e parë që drejtoi një fushatë të suksesshme presidenciale amerikane, duke udhëhequr përpjekjet e suksesshme të Trumpit më 2016./Opinion.al
