Nuk kanë fund çuditë dhe skandalet e Krislen Kerit, Këshilltar i Ministrit të Transporteve, Edmond Haxhinasto. Përmes një statusi në Facebook, ai shkruan: “Më pëlqen Shqipja sepse e kam gjuhën e nënës por më pëlqen më tepër Anglishtja sepse e kam gjuhën e dijes”. Sigurisht nëse do ta donte pak më shumë shqipen, ky këshilltar i famshëm tashmë do kishte mirësinë ta shkruante pa gabime gjuhën e tij dhe të respektonte disa shenja pikësimi. E natyrisht, gjuha e dijes për Kirslenin e diplomuar jashtë është anglishtja, por nuk besojmë se kjo gjuhë e ka mësuar “të vrasë njerëz” e të abuzojë me detyrën.
Le të mos harrojmë, se pak muaj më parë, kur dy fëmijë humbën jetën në një aksident rrugor pranë Kavajës, shkaku ishte përplasja e mjetit që drejtonte nëna e tyre me trafikndarësen. Dhe ajo trafikndarëse ishte ndërprerë kundër çdo ligji për të favorizuar biznesin e babait të Krislen Kerit, një karburant që shtrihej në këtë aks rrugor e që natyrisht ishte favorizuar falë pushtetit të të birit në ministri.
Pas këtij faji, pas asnjë fajtor të paktën Krislen Keri do ishte më mirë të heshtë.
