Kryeministri Edi Rama u pyet nga gazetarët lidhur me kërkesën që presidenti i Turqisë, Recep Tayyip Erdogan bëri ditën e shtunë gjatë vizitës së tij në Shqipëri.
Presidenti turk i kërkoi kryeministrit Rama dhe autoriteteve shqiptare që të ndërrmarrin hapa sa më të shpejtë për t’u ndarë nga prania e çdo institucioni të organizatës FETO.
“Nuk i kemi asnjë borxh presidentit të Turqisë, sikundër as presidenti nuk na ka neve asnjë borxh, se mes miqsh dhe një miqësi vëllazërore nuk ka borxhe”-tha Rama.
Kjo ka qenë përgjigja e kryeministrit Rama i pyetur nëse do t’i plotësojë kërkesën presidentit turk për të marrë masa ndaj gylenistëve në Shqipëri.
