Është kërcënuar me jetë Presidentja e Kosovës, Vjosa Osmani. Kërcënimi ndaj Osmanit është bërë nëpërmjet një e-maili të dërguar në adresën zyrtare të Presidencës.
Lajmin e ka konfirmuar për mediat këshilltari për media i Presidencës, Bekim Kupina, i cili bëri të ditur se kërcënimi është marrë me seriozitet dhe është përcjellë menjëherë tek autoritetet përkatëse.
“Kërcënimi është dërguar në emailin zyrtar të Presidencës”, deklaroi Kupina. Institucionet e sigurisë kanë nisur hetimet për të identifikuar autorin apo autorët e këtij kërcënimi. Deri tani nuk ka informacione shtesë mbi burimin e emailit kërcënues.
