Artan Laze ishte gjyqtari i radhës që iu nënshtrua procesit të Vettingut nga Komisioni i Pavarur i Kualifikimit. Pas mbarimit të seancës, Laze tha për mediat se shumë fakte ndaj tij ishin shtrembëruar, duke kërkuar nga KPK-ja që të merrte parasysh edhe përballjen e gjyqtarëve për kriminelët e dënuar.
Laze: KPK më në fund e vuri procesin në shinat e duhura, qoftë edhe pse ne këmbëngulëm. Kjo është një shenjë e mirë.
Kam besim te drejtësia sepse në konkluzionet për mua, ishin shtrembëruar shumë fakte, që për të cilën komisioni do t’i rivendosë në gjendjen ligjore dhe unë dua të rikonfirmohem në detyrë. Këtë besim kam!
-Ju përmendët edhe kërcënime. Dhatë një mesazh shumë të fortë, ju i thatë KPK-së që në qoftë se unë duhet të hidhem si pre në rrugë le të bëhet kështu…pse e thatë këtë fjali?
Laze: Është fakt i njohur gjerësisht kur u shkëputa si gjyqtar dhe isha pjesë e KQZ, jam kërcënuar. Ka shkrime nga njerëz që unë jam dënuar. Me këtë doja të jepja një mesazh që jo vetëm për mua por edhe për shumicën e gjyqtarëve që kanë dhënë drejtësi. Këta që janë dënuar kush i ka dënuar? Ne i kemi dënuar. Sidomos në këtë pjesë, KPK duhet të ketë shumë kujdes. Nuk them që të shmanget hetimi i së vërtetës por të shikohet edhe kjo./oranews/
