Moise Kean është padyshim njeriu i momentit te Juventus! Sulmuesi italian shënoi golin vendimtar që i siguroi skuadrës së tij fitoren 2-1 në sfidën kundër Milanit, pak ditë pasi i dha trepikëshin në përballjen me Empolin.
Teksa duheshin edhe gjashtë minuta nga përfundimi i ndeshjes, me rezultatin 1-1, 19-vjeçari shfrytëzoi në maksimum pasimin e Pjanic për të shënuar golin e fitores.
Milani kaloi i pari në epërsi me anë të Piatek në minutën e 39-të, ndërsa bardhezinjtë rritën presionin dhe barazuan në mes të pjesës së dytë, kur Mateo Musacchio pengoi në zonë Paulo Dybala dhe argjentinasi nuk gaboi nga pika e bardhë.
Më pas Kean, i futur në vend të Dybalas, realizoi fitoren e 27-të në 31 takime për kampionët në fuqi të Italisë.
Kjo humbje rrit presionin te Milani për të siguruar një vend në Champions League për sezonin e ardhshëm, pas Atalanta gjendet vetëm një pikë larg dhe një ndeshje më tepër. Tani mund të thuhet se “fatin” e Milanit e mban në dorë Interi, që pret Atalantën nesër në “San Siro”./Opinion.al
