Lëvizja protestuese e shkaktuar nga vdekja e George Floyd në Minneapolis, u përhap nga bota e muzikës në mediat sociale të marten, pasi institucione të mëdha në të gjithë botën postuan katrorë të zinj dhe ndaluan aktivitetin në internet, në shenjë solidariti.
Hashtagu #errësirëeplotëtëmartën mbizotëroi në mediat sociale, pasi morën pjesë muzikantë, aktorë, muzetë kryesore, kompani të mediave sociale dhe përdorues të zakonshëm. Fotot me sfond të zi zëvendësuan postimet shumëngjyrëshe dhe reklamat me pagesë në Instagram, por disa nuk pranuan të marrin pjesë dhe u bënë thirrje njerëzve të shpërndajnë letërsi dhe filma antiracistë në vend që të heshtin.
Pjesëmarrësve i’u tha që të mos përdorin hashtag #BlackLivesMatter, sepse protestuesit në SH.B.A. dhe në të gjithë botën, po e përdorin atë për të organizuar protesta në të ardhmen dhe për të shkëmbyer informacione.
Muzetë dhe galeritë në Amerikë shtynë aktivitetet e tyre në internet, rrjeti radiofonik në internet, SiriusXM tha se po ndalonte kanalet muzikore për tre minuta, në Mbretërinë e Bashkuar kanalet televizive dhe stacionet e radiove ndryshuan programet e tyre për t’iu përshtatur lëvizjes, kurse MTV heshti për tetë minuta – pikërisht minutat sa gjuri i policit qëndroi i vendosur në qafën e Floyd./Opinion.al
