Aktualitet

Kandidate për Kryeprokurore, kush është Fatjona Memçaj


               Publikuar në : 12:32 - 26/04/19 |
b.f

Fatjona Memçaj ka dorëzuar sot kërkesën pranë KLP-së për të kandiduar për postin e Prokurores së Përgjithshme. Ajo ka kaluar procesin e vettingut dhe ka rezultuar në rregull me deklarimet e pasurisë.

Memçaj është aktualisht prokurore në Prokurorinë e Apelit në Tiranë. Ajo ka qenë në vitet 2008-2013 Drejtoreshë e Çështjeve Ligjore në Presidencë, ndërsa për më pak se një vit ka qenë edhe shefe e kabinetit e Prokurorit të Përgjithshëm. Në vitin 2013, ishte Presidenti Bujari Nishani që e dekretoi si prokurore në Apelin e Tiranës.

Memçaj ka përfunduar Shkollën e Magjistratutrës, ndërsa në CV-në e saj thotë se ka përfunduar Doktoraturën në Middlesex University, si edhe ka kryer master në University of East London.

Ajo është kandidatja e tretë për këtë post. I pari që dorëzoi kërkesën, ishte prokurori Olsian Çelaj me pas avokati Lulzim Alushaj./Opinion.al

Pas