Bota

“Kam kërcyer tango”,Papa Françesko: Kur isha fëmijë doja të bëhesha kasap



Bëhu pjesë e Grupit Zyrtar të Opinion.al
>> KËTU <<
               Publikuar në : 16:19 - 07/02/22 |
Opi Nion

Papa Françesko në një intervistë për gazetarin Fabio Fazio, ka folur rreth fëmijërisë së tij dhe gjërave që ai pëlqen.

“Më pëlqejnë shumë muzika klasike dhe tango”,-tha Papa Françesko, duke iu përgjigjur një pyetjeje të gazetarit në lidhje me vizitën e tij të fundit në një dyqan diskografik në Romë.

I pyetur nëse është e vërtetë që ka kërcyer tango në të kaluarën,  Papa është përgjigjur: “Një porteno që nuk kërcen tango nuk është porteno”,-duke iu referuar jetës së tij në Buenos Aires.

Megjithatë, ai saktësoi se ka shkuar në dyqanin e diskografisë disa javë më parë për të bekuar biznesin e drejtuar nga miqtë e tij.

Fabio e pyeti Papën se çfarë ëndërronte të bëhej kur ishte fëmijë.

“Kasap”, – iu përgjigj Papa – duke treguar edhe një histori të tijën.

“Kur halla më çoi në treg, në panair, dhe pashë kasapin që mori paratë dhe i futi në xhep, thashë se doja të bëja atë punë. Për paratë, dhe këtu mund të shihni rrënjën time gjenoveze të nënës. Gjenovezët janë të tillë, pak të lidhur me paratë. Piemontezët gjithashtu, por ata fshehin”,-tha ai./Opinion.al

Pas