Në mediat rozë të martën u përhap një lajm i bujshëm sipas të cilit këngëtarja shqiptare Dua Lipa kishte kaluar natën me yllin Realit të Madridit Marco Asensio pas finales së Kievit.
Kujtojmë se në nisje të mbrëmjes këngëtarja shqiptare ishte pjesë e spektaklit për finalen e “Champions League”.
Lajmi u transmetua fillimisht nga CNN turk dhe u përhap me shpejtësi në mediat rozë.
Por, pas disa orësh ka ardhur edhe reagimi i këngëtares shqiptare.
“Unë kurrë nuk e kam takuar Marco Asensio-n dhe ka shumë mundësi që kurrë nuk do ta bëj pasi menaxheri im tifoz i Liverpool-it nuk do ma falte”, ka shkruar në twitter Dua Lipa.
Por ka edhe nga ata që kanë besuar më shumë raportimet mediatike se Duan. Një person ka komentuar në postimin e Duas duke shkruar: “Si mendoni nga i marrin njerëzit këto thashetheme? Kush i bën?”
Dua Lipa u përgjigj: “Nuk e kam idenë”.
