Aktualitet

Kadia: Çmimi i bukës u rrit prej thatësirës në Rusi


Bëhu pjesë e Grupit Zyrtar të Opinion.al
>> KËTU <<
               Publikuar në : 22:27 - 07/10/21 |
Opi Nion

Zv/ministri i Ekonomisë dhe Financave Besart Kadia ka folur lidhur me rritjen e çmimeve në Shqipëri.

Në “ABC”, Kadia tha se rritja e çmimeve po ndodh në të gjithë botën, ndërsa tha se çmimet në vendin tonë po rriten dhe për shkak të thatësirës në Rusi.

Ai theksoi se është shqetësuese pritshmëria e qytetarëve, duke renditur disa nga arsyet që kanë sjellë ndryshim të kostove.

 “Shqipëria për vitin 2021 e ka rritjen ekonomike si në vitin 2019. Ky është sukses i kësaj ekonomie. Kjo është e thjeshtë dhe e dukshme për të dhënat që ne kemi. Në janar të vitit 2021 ku filloi cikli biznesi mendoi se do e kishte të vështirë. Sot kemi të dhëna se është më mirë se pritej. Të dhënat janë pozitive. Është 3-mujor. Kur të mbarojë viti do e shohim. Vitin kaluar bujqësia nuk u mbyll dhe prodhoi më shumë se vitet e zakonshme. Mua më shqetëson pritshmëria për çmimet. Kjo është më shqetësuese se çmimet aktuale. Ata që janë importuesit të grurit në Shqipëri, kanë që në gusht për të gjetur çmime më të ulëta. Për shkak të thatësirave në Rusi dhe zjarreve në Kanada ka rënë sasia. Nuk është në Shqipëri. Është fenomen në botë. Politikat monetarë të bankës botërore, kanë bërë që çmimet e miellit të rriten. Nëse unë i them nesër kryeministrit, do shkojmë nesër do blejmë grurë. Prapë në bursë do e blejmë”, u shpreh Kadia./ Opinion.al

Pas