Në pamje të parë ju mund të mendoni se ajo është një studente madje pa frikë në vitin e parë. Por në fakt Lure Hsu nga Tajvani është në prag të 42 vjetorit të saj. Ajo së fundmi po i habit të gjithë ndjekësit e saj me moshën e vërtetë. Shumë e vështirë të besohet që një femër e cila duket kaq e re të mbajë plotë 42 vite mbi supe.
Lure është një disenjuese shtëpish në profesion, e cila u bë e famshme pasi motra e saj 35 vjeçare, e cila është aktore e ftoi në një event. Kur motra e saj e uroi një vit më parë për ditëlindje dhe tregoi moshën e saj, njerëzit nuk po i besonin dot syve. Menjëherë Lure filloi të bëhej shumë e famshme dhe numëroi plot 230,000 ndjekës në Instagram. Sigurisht që pamja e saj tërhoqi edhe vëmendjen e gazetarëve të cilët kishin vetëm një pyetje për lëkurën e saj të lëmuar dhe pamjen rinore. Lure u përgjigj se është shumë e thjeshtë, mjafton të pish ujë dhe të konsumosh perime. Të qenit e hidratuar është pjesa më e rëndësishme, shpjegoi 42 vjeçarja. Ajo pranon se ka qëndruar larg pijeve me gaz dhe me sheqer, dhe e vetmja gjë që pinte ishte një filxhan me kafe çdo mëngjes.
Këshilla që ajo do i jepte femrave ishte të hidratonin gjithmonë lëkurën me kremra të ndryshëm. Asnjëherë nuk duhet që lëkura të rrijë e thatë. Nëse ajo është mjaftueshëm e hidratuar, nuk duhet të shqetësoheni aspak për rrudhat. Kremi i diellit është gjithashtu i rëndësishëm, pasi në momentin që lëkura ekspozohet në diell ka tendencën të thahet. Nëse i zbatoni këto këshilla, mund të keni edhe ju fatin e Lure./Opinion.al
