Premtimet e kryeministrit Rama gjatë prezantimit të programit të nxitjes së punësimit, ish-deputetja e Partisë Demokratike i ka quajtur me ironi “si listat 100% të hapura”.
Në një status në Facebook, Tabaku shkruan se kryeministri Rama në çdo prag zgjedhjesh premton për të gënjyer.
“Por faktet janë e vërteta që nuk fshihet. Janë 100 mijë shqiptarë që kanë humbur vendin e punës. Me shume se 40% e shqiptarëve janë në skamje.”, shprehet ajo.
Sipas Tabakut rreth 100 mijë shqiptarë humbën vendin e punës nga muaji mars deri më sot ndërsa 61% e bizneseve kanë dalë pa fitim që nga muaji qershor. Ajo citon Bankën Botërore se 30% e qytetarëve ishte në kufijtë e varfërisë në 2018 dhe se kjo shifër pritet të rritet dhe sjell në vëmendje se 30 mijë shqiptarë kanë aplikuar për azil vetëm brenda një viti në vendet e BE-së
“Pas 8 vitesh shfaqet sërish duke bërë të njëjtat premtime, a thua se shqiptarët nuk dëgjojnë dhe nuk e provojnë në lëkurën e tyre varfërinë. Në vend të fjalëve dhe propagandës bajate qytetarët kanë sot nevojë për zgjidhje konkrete me një plan të qartë dhe afatgjatë zhvillimi dhe punësimi. Shqipëria në punë është plani konkret i Partisë Demokratike që do të zbatohet menjëherë që ditën e parë në qeverisje.”, shkruan ndër të tjera Jorida Tabaku. /Opinion.al
Premtimet e Ramës si listat 100% te hapura!
– 30 mijë shqiptarë kanë aplikuar për azil vetëm brenda një viti në…
Posted by Jorida Tabaku on Wednesday, September 23, 2020
