Të gjithë e mbajmë mend dashurinë që lindi në prapaskenat e “Dancing With the Stars”. E kemi fjalën për Soni Malajn dhe balerinin italian Mirco Luccareli të cilët u martuan pas përfundimit të spektaklit.
Pas disa viteve martesë, nga e cila erdhi në jetë edhe vogëlushja e tyre Anna, Soni dhe Mirko u divorcuan. E ndërsa këngëtarja e suksesshme tashmë po jeton romancën në krahët e një biznesmeni shqiptar, Mirko duket se nuk e ka harruar tërësisht Sonin.
Ai ka publikuar një video, ku ka përmbledhur disa nga eksperiencat e tij më të rëndësishme në jetë, duke nisur që nga shfaqjet si aktor në ekran, si këngëtar, e më pas si balerin. Në një nga sekuencat e videos Mirko shihet teksa kërcen me ish-bashkëshorten e tij në “Dancing With the Stars”, me të cilën mban ende raporte të mira./intv
