Një 59-vjeçar është vënë në pranga nga policia pasi përmes telefonit dhe rrjeteve sociale, joshte femra, kryesisht të mitura, me qëllim përfitimin seksual.
Policia bën me dije se u bë arrestimi në flagrancë i M. Ç., 59 vjeç, i dënuar më parë për veprën penale “Ngacmimi seksual”.
Nga hetimet ka rezultuar se 59-vjeçari, nëpërmjet telefonit dhe rrjeteve sociale, mashtronte femra, kryesisht të mitura, për përfitim seksual.
Autoritetet sqarojnë se arrestimi u bë në kushtet e flagrancës, pasi 59-vjeçari kishte organizuar një takim me një shtetase tjetër të mitur. Gjatë veprimeve hetimore (këqyrjes së celularit) janë gjetur prova kompromentuese për këtë shtetas, që e implikojnë në këtë veprimtari kriminale.
