Bota

Jetimorja përfshihet nga zjarri, humbin jetën 15 fëmijë


               Publikuar në : 10:49 - 15/02/20 |
Opi Nion

Një ngjarje e rëndë është regjistruar në Haiti, ku 15 fëmijë humbën jetën pasi një zjarr ka përfshirë një jetimore në periferi të kryeqytetit.

Dyshohet se shkaku i zjarrit janë qirinjtë që përdoreshin për të ndriçuar në mungesë të energjisë elektrike. Jetimorja e drejtuar nga një grup i krishterë me qendër në SHBA, ishte një nga qindra në Haiti që vepronte pa autorizim zyrtar që nga viti 2013.

Autoritetet tani po punojnë për të mbështetur dhe dërguar në jetimore të tjera fëmijët e mbijetuar. Arielle Jeanty Villedrouin, drejtore e Institutit për Mirëqenie Sociale, tha se, në kohën e zjarrit, rreth 60 fëmijë po jetonin në jetimoren e pa licencuar, të operuar nga Kisha e Bibliotekës me qendër në Pensilvani.

“Ne do t’i vendosim ata në një qendër tranziti ndërsa do bëjmë kërkime mbi familjet e tyre dhe të shohim nëse mund t’i bashkojmë me prindërit e tyre,” i tha ajo agjensisë së lajmeve Reuters.

Zyrtarët thanë që dy fëmijë ndërruan jetë nga flakët dhe 13 të tjerë vdiqën në spital si rezultat i thithjes së tymit.

Rreth 30000 fëmijë jetojnë në më shumë se 760 jetimore në Haiti, nga të cilat 15% janë regjistruar zyrtarisht, sipas bamirësisë Lumos, e cila u themelua nga shkrimtarja JK Roëling. Rreth 80% e fëmijëve që jetojnë në jetimoret e Haitit kanë të paktën një prind gjallë./ Opinion.al

Pas