Aktualitet

Jep dorëheqjen zv.ministri i Financave dhe Ekonomisë


Bëhu pjesë e Grupit Zyrtar të Opinion.al
>> KËTU <<
               Publikuar në : 15:10 - 13/02/20 |
Opi Nion

Zëvendësministri i Financave dhe Ekonomisë, Elton Haxhi ka dhënë dorëheqjen ditën e sotme. Haxhi është shprehur pas dorëheqjes se: “Nuk mund të vijoja më në atë detyrë”. Haxhi është i dyti në pak kohë që ka dhënë dorëheqje nga ky post, pasi më herët në atë detyrë ishte Erjon Luçi.

Haxhi ka mbaruar studimet e larta në Universitetin e Tiranës në 1995, dega Financë Kontabilitet, dhe ka diplomë të avancuar për kontabilitet dhe biznes nga Shoqata e Kontabilistëve të Çertifikuar (ACCA) në Angli. Aktualisht mban titullin profesional Auditues Ligjor, dhënë nga Instituti i Ekspertëve Kontabël të Autorizuar (IEKA) në vitin 2000. Në tetor 2017 ishte emëruar Zëvendësministër i Financave dhe Ekonomise, përgjegjës për sektorin e të ardhurave fiskale, kontabilitetin, auditimin, kontrollin financiar, etj.

Edhe pse jo zyrtarisht, thuhet se kjo dorëheqjen ka lidhje me një vendim të Gjykatës Administrative, e cila dy ditë më parë rrëzoi urdhrin e Ministrisë së Financave dhe Ekonomisë, që anulonte licencën e rinovuar të kompanisë Albanian Duty Free Development (ADFD) në Aeroportin Ndërkombëtar “Nënë Tereza”.

Vendimi i shtoi më tej vështirësitë dhe zvarritjet gjyqësore kompanisë amerikane International Cruise Duty Free (ICDF), e cila po pret prej 8 muajsh të investojë në Aeroportin “Nënë Tereza” mbi 3 milionë dollarë.

Kjo çështje gjyqësore tërhoqi vëmendjen e mediave, duke qenë se ADFD-ja është në zotërim të Elona Çaushit, bashkëshortes së gjyqtarit Gjin Gjoni, një emër i përfolur i sistemit të Drejtësisë shqiptare./ Opinion.al

Pas