Gramoz Ruçi, kryetari i Kuvendit, i ishte i pranishëm ditën e sotme në konferencën e mbajtur në Tiranë me temë “Feja si instrument i Paqes”. Gjatë fjalës së tij, Ruçi kritikoi politikën shqiptare, duke theksuat se është shumë pak tolerante.
Ruçi tha se “politikanët besojnë më shumë te partia se sa tek sistemi demokratik”. Po ashtu, kryetari i Kuvendit foli dhe për verdiktin e Këshillit Europian për mos hapjen e negociatave me Shqipërinë, duke thënë se shpreson që ky verdikt të mos ketë prapavijë fetare, por problemet e brendshme të BE.
“Unë mendoj se jemi në vendin e duhur që të flasim për fenë si instrument i paqes. Harmoni fetare është krenarie jonë kombëtare. Përse në politikanët jemi më pak tolerantë, madje nuk do ta teproja të thoja jotolerantë në krahasim me institucionet e besimeve fetare. Besimtarët tanë shqiptarë janë më shumë besimtarë të fesë se sa anëtare të institucioneve të tyre. Idetë dhe vlerat fetare mbizotërojmë mbi përkatësinë dhe anëtarësinë e institucionit e tyre. Kjo ka ndihmuar që besimtarët të gjejnë pika takimi me besimet e tjera. Politikanët besojnë më shumë te partia se sa tek sistemi demokratik. Shprehja e njohur: Kisha jote është edhe kisha ime” është plotësuar me shprehjet: xhamia ime është edhe xhamia jote apo “teqeja ime është edhe teqeja jonë. Nuk kemi asnjë provë që myslimanët kanë kontribuuar me pak se vëllezërit e besimeve të tjera për arritjet demokratike të vendit. Unë uroj që motivet e këtij qëndrimi të KE të jenë dyshimet e tyre për arritjet e reformave demokratizuese. Kam bindjet se vendimi i KE është vendim që nuk i përgjigjet realitetit. Ballkani Perëndimor ka një popullsi të konsiderueshme myslimane, është europian dhe një kontribuues i paqes dhe stabilitetit”-tha Ruçi./ Opinion.al
