Monika Kryemadhi ka folur për gazetarët lidhur me rezultatet e zgjedhjeve të 11 majit, ku ajo dhe ish-bashkëshorti i saj Ilir Meta nuk mundën të siguronin dot një mandat në Kuvend.
Gjatë fjalës së saj, Kryemadhi u shpreh se karrigia e Parlamentit nuk është as e Monikës e as e dikujt tjetër.
Ajo theksoi se të vetmen keqardhje e ka për njerëzit që ndihen shumë më të varfër e largohen çdo ditë e më shumë.
E pyetur për humbjen e Metës, Kryemadhi tha se nuk ka përgjegjësi për këtë rezultat.
Kryemadhi: Karrigia e Parlamentit nuk është as e Monikës e as e dikujt tjetër, por është e lëvizshme dhe vazhdon të lëvizi. Të vetmen keqardhje që kam është se njerëzit ndihen shumë më të varfër, largohen çdo ditë e më shumë, janë shumë më të pakënaqur, por kur vjen puna, u dalin votat te kutia me shumicë në favor në qeverisë.
Pyetje: Keni keqardhje për Ilir Metën?
Kryemadhi: Patjetër!
Pyetje: Keni përgjegjësi për humbjen tij, sepse keni bërë dhe fushatën për të?
Kryemadhi: Nuk shoh ndonjë përgjegjësi të madhe, unë nuk kam bërë dhe nuk kam qenë liderë e fushatës së tij, unë kam qenë një nga personat që kërkonte votë për Ilir Metën.
