Kryesore

Jashtë listave të PD? Ish-deputetët:Vendimin e merr kryesia, jo komisioni


Bëhu pjesë e Grupit Zyrtar të Opinion.al
>> KËTU <<
               Publikuar në : 17:21 - 24/10/20 |
el ida

13- ish anëtarë të kryesisë së Partisë Demokratike dhe ish-deputetë të saj morën një shtyrje të miratimit të emrit të tyre në listat për kandidatë për zgjedhjet e 25 Prillit.

Ky vendim erdhi nga Komisioni i Vlerësimit të Kandidatëve, ndërkohë që mes emrave spikati Ervin Salianji, Izmira Ulqinaku, Luan Baci, Nadire Meçorapaj, Romeo Gurakuqi apo Tritan Shehu.

Partia Demokrtike përmes Sekretarit të Përgjithshëm Gazment Bardhi njoftoi zyrtarisht mbrëmjen e së premtes këtë përfundim të komisionit, ndërsa pohonte se tashmë vendimi do t’i kalonte për shqyrtim kryesisë së partisë.

Ndërkohë, sipas burimeve për News 24, Kryetari Lulzim Basha ka marr takim me secilin prej 13 anëtarëve të PD-së, aprovimi i kandidimit të të cilëve u shty.

Mbrëmjen e djeshme i menjëhershëm ka qenë reagimi i deputetit Ervin Salianji, që përmes një statusi në FB kujtonte se vlerësimi i tij real ishte bërë nga anëtarësia e partisë.

Në po të njëjtin qëndrim duket se kanë qenë edhe kolegët e tjerë, në reagimet që pasuan.

Ish-deputeti Tritan Shehu tha për News24 se vendimin nëse ai do të kandidojë e marrin institucionet statutore të partisë, Kryetari, Kryesia dhe Këshilli Kombëtar.

“Vendimin për të kandiduar për deputet mbas votimit të anëtarësisë së PD e kanë tagër vetëm institucionet e saj, Kryetari, Kryesia e Keshilli Kombëtar, askush tjetër”, u shpreh Shehu.

Edhe ish-deputeti Luan Baci, në të njëjtën linjë qëndrimi deklaroi se me gjithë vlerësimin për komisionin, kontratën e ka me Partinë Demokratike.

“Unë e kam kontratën me Partinë Demokratike, me strukturat e degës dhe gjithë anëtarësinë e saj që më ka votuar. Ne votimin e fundit të listes së kandidateve per deputet jam zgjedhur në mënyrë plebishitare dy herë për kryetar dege dhe jam me i vleresuari, me pothuajse fare kontestim. E respektoj komisionin ne punen e tij”, deklaroi ai.

Ndërkohë, ish-deputetja e Shkodrës, Izmira Ulqianku e ka cilësuar opinion, vendimin e komisionit të vlerësimit, ndërsa shprehet se vendimarrjen e pret nga strukturat e partisë: “Ky është një opinion i anëtarëve të komisionit të vlersimit, vendimarrjen e pres prej Kryesisë dhe Këshillit Kombëtar. Sa i përket votimit të anëtarësisë, kam qënë ndër emrat që ka marrë më pak vota kontestuese, dhe falenderoj demokratët e Shkodrës për mbështetjen”, tha Ulqinaku./Opinion.al

 

Pas