Komisioneri Shtetëror i Zgjedhjeve, Ilirjan Celibashi, thotë se është pro votimit elektronik në Shqipëri.
Pasi publikoi rezultatin përfundimtar të zgjedhjeve të 25 Prillit dhe parregullsive të këtij procesi, Celibashi u shpreh se votimi elektronik mund të shmang shumë parregullsi, por nuk zgjidh të gjitha problemet.
“Mund të jap vetëm një gjykim dhe vlerësim shumë personal dhe nuk ka të bëjë me qëndrimin e institucionit. Ka avantazhe si të karakterit teknik dhe procedural, por dhe me integritetin e procesit zgjedhor. Të paktën për sa i përket rezultatit të partive politike parregullsitë janë të vogla, por për kandidatët janë penalizuese. Thënë këtë votimi elektronik i zeron këto probleme, jam pro por jo domosdoshmërisht. Nuk mendoj se votimi elektronik i zgjidh të gjitha problemet e zgjedhjeve në Shqipëri. Nëse partitë politike mendojnë se ka ardhur koha që këto avantazhe ta propozojnë një gjë të tillë”,- tha kreu i KQZ./ Opinion.al
