Aktualitet

Jam me Covid/Administratori i Inceneratorit të Fierit s’paraqitet, Tabaku:U tremb



Bëhu pjesë e Grupit Zyrtar të Opinion.al
>> KËTU <<
               Publikuar në : 11:21 - 16/02/22 |
Opi Nion

Kryetarja e Komisionit Hetimor për Inceneratorët, Jorida Tabaku ka informuar se sot gjatë mbledhjes se një nga dëshmitarët e thirrur për t’u marrë në pyetje nga ky komision ka dërguar një letër ku tregon se është me Covid.

Bëhet fjala për administratorin e inceneratorit të Fierit, Lorant Dushën, i cili më parë ishte shprehur se do të merrte pjesë në komision. Tabaku është shprehur se Dusha është stepur pasi ka parë pyetjet që bëjnë deputetët në këtë komision.

E pa se çfarë pyetjesh bënin deputetët dhe është trembur dhe nuk do të dëshmojë”,-ka thënë Tabaku.

Ajo ka kërkuar që marrja e tij në pyetje të mundësohet përmes teknologjisë.

Në orën 10:00 ne kishim thërritur për të dëshmuar zotin Lorant Dusha, administrator i inceneratorit të Fierit. Ai kishte dëgjuar që ishte dëshmitar, ne i kishim nisur një shkresë që e kishte sjellë mbrapsht.

Na kishte sjellë përgjigje që është shumë i dëshiruar që të vijë në këtë komision, do patjetër që të dëshmojë, kishim rënë dakord që do të vinte ndërsa sot në mëngjes sjell një letër që është me Covid. Kështu sëmuren këta me Covid sa herë ndodh diçka.

Ky Komision do të presë 24 orë, do t’i kërkoj Kuvendit që ta riskedulojmë takimin që të komunikojmë me të me një nga platformat e teknologjisë”-u shpreh Tabaku./Opinion.al

Pas