Nëse ende nuk e keni vendosur se si do ta festoni mbrëmjen e fundit të vitit, ju sugjerojmë disa alternativa, nga të cilat mund të zgjidhni bazuar në shijet dhe preferencat tuaja.
- Bëhuni pjesë e një eventi në ambiente të hapura, si përshembull festat në sheshe me DJ. Eshtë bukur kur e ndan entuziasmin e festës me shumë njerëz, aq më tepër nëse aty ka shumë energji njerëzore.
- Shkoni në një klub ose pub për të shijuar muzikë të mirë, ritmike, që do t’ju bëjë ta prisni me energji të mëdha 2016
Mund edhe të ndiqni një aktivitet formal, por deri në momentin kur bëhet i mërzitshëm. Nëse pëlqeni ta nisni vitin me klas, elegancë, ushqim të zgjedhur, atëherë prenotoni në një restorant të klasit të lartë.
- Shkoni në një kazino. Jo vetëm që mund të shijoni shfaqje muzikore ose festa kolektive por mund edhe t’ju ndjekë fati në prag të vitit të ri. Imagjinoni po t’ju gjejë 2016-ta milionerë.
- Nëse jeni tip i qetë që i pëlqen intimiteti dhe do ta shijojë festën me pak njerëz, qëndroni në shtëpi. Mund edhe të ftoni njerëzit tuaj më të ngushtë e të organizoni një parti të vogël.
- Ka disa njerëz që u pëlqen ta nisin vitin e ri duke parë filmin e preferuar ose përfunduar librin që i tërhoqi më shumë në vitin që iku.
