Ermal Mamaqi i njohur për sensin e humorit që ka tërheq vëmendjen me çdo gjë që thotë për veten.
Foto e tij më e komentuar që postoi në facebook, ishte ajo me diçiturën, “-10 kg, eh kështu është kur i lan rrobat me dorë”.
Natyrisht që ky është një sekret dobësimi thjesht për të shkaktuar të qeshura tek fansat e tij, sepse e vërteta është krejt ndryshe. Si fillim mund të themi se duket vërtet bukur me 10 kilogramë më pak, pasi nuk i duket më as barku që kishte filluar t’i binte paksa në sy nga veshjet.
Po si i dobësuar moderatori i formatit “6 ditë pa Ermalin”, pjesë e të cilit janë bërë personazhet më të njohur të politikës, televizionit, artit e kulturës duket shumë mirë.
Po si u dobësua, për të qenë sa më elegant për këtë sezon të ri televiziv, gjë që do e ndihmojë të jetë më i lehtë në lëvizjet e tij të shumta në studio, ku nuk mungon edhe ndonjë kapërcim në tryezën e të ftuarve?! Ne kemi zbuluar mënyrën që ai ka ndjekur për t’u dobësuar në kohë rekord, dhe që nuk është një dietë tipike drastike. Ermali ka hequr nga menyja e përditshme të gjitha prodhimet e mishit, duke u bërë kështu vegjetarian.
Po ashtu nuk ushqehet me bulmet, dhe konsumon mesatarisht 7 kilogramë ujë në ditë. Për fizikun që ka arritur deri tani Ermali ëshë përkushtuar për një peridhë dy mujore.
