Aktualitet

Ja pse Diego Simeone ka ndërtuar murin më të madh në Evropë



Bëhu pjesë e Grupit Zyrtar të Opinion.al
>> KËTU <<
               Publikuar në : 12:06 - 30/04/16 |
b.f

Atletico Madrid do të shkojë në “Allianz Arena”, të martën, me një avantazh minimal në raundin gjysmëfinal të Ligës së Kampioneve. Epërsia 1-0 është mjaft e rrezikshme, mbart në vetvete rrezik serioz për t’u eliminuar dhe këtë e di mjaft mirë Diego Simeone.

Bayern Munich është një makinë e fuqishme, me një fuqi përmbysëse të sprovuar, edhe pse ka dalë pa shënuar në “Vicente Calderon”. Megjithatë, ekipi i Pep Guardiolës nuk ka asnjë gjë më pak se spanjollët, ndaj këtë duhet ta tregojnë në ndeshjen e dytë, në “Allianz Arena”.

Atje duhet paraqitur versioni më i mirë sulmues i bavarezëve, në qoftë se duan të jetë në finalen e Champions-it, në Milano. Statistikat janë shkatërruese dhe i japin në mënyrë të qartë Atletico Madridit statusin e favoritit për ta kapërcyer gjysmëfinalen. Ekipi me mbrojtjen solide dhe trajneri Diego Simeone janë të garantuar absolutisht nga numrat, të cilat tregojnë se në sezonin aktual kanë humbur vetëm 8 nga 52 ndeshjet zyrtare. Edhe humbjet janë aq të diskutueshme në rezultat, sa i japin përparësi në gjysmëfinalen e kthimit.

Atletico Madrid nuk ka humbur më shumë se një gol diferencë. Simeone u ka dhënë të tijve një forcë mbrojtëse spektakolare. Nga 16 ndeshjet e fundit, të luajtura në shtëpi, në 14 prej tyre nuk ka pësuar asnjë gol. Në asnjë kohë, Atletico Madrid nuk u eliminua pas fitores në ndeshjen e parë, në Champions, këtë sezon. Sfida tjetër e vështirë për Bayern Munich është portieri i skuadrës spanjolle. Oblak është një mision i pamundur.

KOMENTO (0)

Shkruaj nje koment

    Pas