Akuza të ashpra janë lëshuar kohët e fundit nga përfaqësues të opozitës, kundrejt ministrave të kabinetit Rama. Vjedhja dhe abuzimi me fondet, janë kryefjalë e këtyre akuzave, që implikojnë më shumë se këdo, 5 ministra.
***
Arben Ahmetaj, Ministri i Ekonmomisë, u përmend mbrëmë në “Opinion” nga vetë kreu i opozitës Lulzim Basha, për një abuzim prej 10 milionë dollaresh në landfillin e Elbasanit.
Damian Gjiknuri, Ministri i Energjitikës është tashme në “shënjestrën” e opozitës, për përfitime në shuma të mëdha në Euro, të abuzuara nga marrëveshja e CEZ.
Ilir Beqaj, është një nga ministrat më të diskutuar për abuzime me tenderat e fituar nga ish-kompania e tij dhe që arrijnë vlerën e 11 milionë Eurove,vetëm për vitin 2015.
Saimir Tahiri, ndoshta emri më i sulmuar nga opozita, vecanërisht në fokus për kontaktet me trafikantët e drogës.
Nasip Naco, Ministri i Drejtësisë, është shtuar së fundi në listën e ministrave të diskutuasr për abuzime. Pak ditë më pare, emri i tij është lidhur me skandalin e matësave të CEZ, duke e akuzuar se ka favorizuar krushkun në mënyrë abuzive, në këtë biznes.
Ndërkohë, për ministrat e LSI-së opozita nuk ka denjuar të bëjë koment, duke i konsideruar ”thjesht me lugë në brez”.
