Nëse ju pëlqejnë shakatë që i hedhin njëri tjetrit Blake Lively dhe Ryan Raynolds në Twitter, apo nuk ngopeni duke parë fotot e bukura të pushimeve të Beyonces dhe Jay Z në Instagram, kjo ka një arsye. Sipas psikologëve, çifti juaj i famshëm i preferuar tregon shumë për atë që kërkoni dhe vlerësoni te partneri, pasi ju krahasoni lidhjen tuaj me lidhjet e vipave, ose dëshironi të keni një të tillë. Hidhini një sy çifteve të mëposhtme, dhe nëse nuk e keni kuptuar ende pse i pëlqeni ata, jua themi ne:
Kanye West dhe Kim Kardashian
Kim dhe Kanye janë padyshim çifti më i fortë. Nëse jeni një fans i Kimye, do të thotë se jeni një grua e fortë dhe e suksesshme që gjithashtu kërkoni një partner të fortë me të cilin përputheni në mendimi dhe në rrugën drejt suksesit. Kim nuk njeh pushim, jeta e saj është e gjitha biznes dhe para. Ajo i ka gjetur te Kanye, partneri i saj prej 6 vitesh dhe babai i 3 fëmijëve të saj, të gjitha cilësitë që kërkon te një mashkull.
Beyonce dhe Jay Z
Që nga incidenti i ashensorit, historitë e tradhëtisë dhe dështimit të shtatzënisë, ky çift i ka kaluar të gjitha dhe i ka rezistuar të gjitha problemeve që iu kanë dalë në rrugë. Ajo që i lidh të dy bashkë është më shumë se një histori e gjatë dashurie. Ju shihni te ata forcimin e lidhjes pas çdo problemi, dhe nëse lidhja e tyre ka mbijetuar, e juaja mund të mbijetojë gjithashtu. Jay dhe Beyonce kanë kaluar me sukses çdo sfidë që nga viti 2002.
Chrissy Teigen dhe John Legend
Padyshim të gjithë i pëlqejnë. Ajo ka një humor të jashtëzkonshëm dhe ai një romantik i pashpresë. Çifti i njohur nuk i lë shumë vend imagjinatës për lidhjen e tyre sepse kanë folur publikisht për çdo gjë. Probleme apo kënaqësi që i fal lidhja e tyre prej 12 vitesh, ne i dimë të gjitha, dhe ata sigurohen të mos zbukurojnë asgjë por t’i thonë gjërat troç. Nëse Chris dhe John janë çifti juaj i preferuar, do të thotë se ju parapëlqeni dhe vlerësoni sinqeritetin.
Blake Lively dhe Ryan Raynolds
Talljet e tyre në rrjetet sociale me njëri-tjetrin i thonë të gjitha. Ryan dhe Blake janë të lezetshëm, të zgjuar dhe shumë romantikë. Janë të martuar prej 6 vitesh dhe kanë dy fëmijë, që do të thotë përtej shakave lidhja e tyre është mjaft serioze dhe solide, por një jetë pa shaka është një jetë e mërzitshme, ao jo?
Will Smith dhe Jada Pinkett Smith
Shumë pak çifte janë kaq solide sa Jada dhe Will. Janë të martuar prej 16 vitesh, dhe pavarësish thashethemeve për divorc dhe tradhëti, ata gjithnjë flasin për besnikëri dhe përkushtim ndaj njëri tjetrit. Përveçse mjaft tërheqës të dy, ky çifti simbolizon ndërtimin dhe ruajtjen e besimit.
Ryan Gosling dhe Eva Mendez
Ndoshta nuk e dinit fare që këta të dy janë të martuar dhe kanë dy fëmijë, kjo sepse Ryan dhe Eva janë shumë shumë diskretë. Ata nuk e shfaqin as dashurinë e as problemet e tyre hapur. Nëse ju pëlqen ky çift, do të thotë që ju respektoni privatësinë dhe është pikërisht privatësia ajo që e rrit lidhjen tuaj.
Princ Harry dhe Meghan Markle
Historia e tyre e dashurisë është njësoj si në përralla. Por edhe pse jetojnë në një pallat mbretëror, mesazhi i tyre i fortë që shpërndajnë është tejkalimi i pengesave dhe ndryshimeve të mëdha që kanë. Nëse ju pëlqen ky çift, do të thotë që ju admironi kalimin e diferencave të mëdha moshore, etnike, kulturore dhe të shkruarën./Opinion.al
