Që përpara lajmit të martesës, çifti u përfol se do të bëheshin shumë shpejt prindër. Kjo mund të ketë qenë edhe arsyeja e fejesës dhe martesës aq të ngutshme. Megjithatë, moderatorja bukuroshe e ka mohuar gjithnjë. Në fotografitë që poston në rrjetet sociale Elita e fsheh gjithnjë me shumë mjeshtëri pjesën e barkut, duke mos lënë vend për aludime.
Por është e kotë të fshihet më Elita pasi bashkëshorti i saj i konfirmoi të gjitha. Reperi nga Kosova, Gjiko, ka dhënë një intervistë për emisionin Prive. Natyrisht, nuk kanë munguar pyetjet për profesionin më të ri të Gjikos, atësia. Gazetari e pyeti Gjikon nëse është i lumtur që do të bëhet baba. Kësaj pyetje ai iu përgjigj se “baba është bërë prej kohësh”. Kjo nuk do të thotë në fakt që Gjiko ka një fëmijë, por ai iu referua hip-hopit.
Gazetari këmbënguli duke e pyetur për gjininë e fëmijës, por Gjiko nuk preferoi të zbulonte detaje. “Me rëndësi shëndosh,” tha ai. E pyetjes nëse ka ndryshuar Elita gjatë shtatzëninë, reperi iu përgjigj “ende qëndron Elita”./Opinion.al
