Kryeminstri Edi Rama ka shpërndarë para pak minutash nëpërmjet një statusi në Facebook letrën që i ka dërguar Presidenti i SHBA-së, Donald Trump. Sipas kësaj letre presidenti i 45-të i Amerikës ka shprehur mbështetjen për sfidat e së ardhmes dhe bindjen se ato do kalohen me sukses.
Ja çfarë shkruar Rama:
Faleminderit edhe Presidentit Trump për mesazhin e tij të ngrohtë ku shkruhet:
“I dashur Kryeministër,
Unë e mirëpres ngrohtësisht mesazhin tuaj të urimit për betimin tim si President i Shteteve të Bashkuara dhe e vlerësoj lart mendimin, mbështetjen e inkurajimin tuaj.
Ne kemi përpara sfida të cilat jam i bindur se do t’i kapërcejmë, mbi themelet e përbashkëta dhe në partneritet me njëri-tjetrin. Ne po ashtu kemi mundësira të jashtëzakonshme për përparimin e qëllimeve që ndajmë, për promovimin e stabilitetit global e për arritjen e paqes e të prosperitetit.
Sinqerisht i Juaji,
Donald J.Trump”
