Aktualitet

Iu hynë në shtëpi të maskuar 4 ditë pasi i grabitën, policia: E keni bërë vetë


Bëhu pjesë e Grupit Zyrtar të Opinion.al
>> KËTU <<
               Publikuar në : 21:03 - 10/03/22 |
Opi Nion

Emisioni “Stop” ka shkuar në Durrës, pasi në datën 21 Janar, në lagjen nr. 17 ka ndodhur një grabitje. Qytetarja me shtetësi italiane tregon se rreth orës 7 i kanë hyrë disa persona në shtëpi të maskuar, të cilët i kanë vjedhur kasafortën dhe florinj. Ata janë larguar, por i kanë kapur kamerat pasi në një moment, dikujt i bie maska.

Qytetarja: Jam një shtetase italiane që jetoj këtu në Durrës sëbashku me familjen time. Me datë 21 Janar ka ndodhur që kanë hyrë dy persona në shtëpi. Kamerat i kanë kapur të gjithë filmimet.

Gazetarja: Në datën 21 Janar ju nuk keni qenë në shtëpi apo jo?

Qytetarja: Jo, nuk kemi qenë në shtëpi fare, asnjëri nga ne. Domethënë, ne nga ora 6 kemi dalë, kamerat kanë kapur që nga ora 7 kanë hyrë 2 persona…

Gazetarja: Këto 2 persona, kanë qenë me maska apo?

Qytetarja: Kanë qenë me kapuç dhe me maskë kovidi. Njëri nga ata, duke hipur nga avllia, u është zbuluar fytyra dhe duket pamja.

Gazetarja: Dhe këto dy persona kanë hyrë në shtëpi dhe kanë grabitur shtëpinë tuaj, apo jo?

Qytetarja: Po, sepse kemi dhe një kamerë brenda në shtëpi, tek koridori dhe duket se çfarë kanë bërë brenda. Janë futur pastaj tek dhoma jonë dhe normalisht na kanë bërë dëm.

Gazetarja: Ju kanë vjedhur çfarë?

Qytetarja: Kanë marrë kasafortën me vete, të gjithë floririn, kanë kontrolluar gjithandej, sirtarët i kanë hequr. Pastaj të nesërmen, burri ka shkuar tek Policia. Duket një makinë që ndalon para derës tonë, duket targa. Kanë gjetur personat që e kanë atë makinën, por nuk kanë bërë asgjë. As nuk kanë vendosur një roje të na sigurojnë sepse ne kemi dhe 2 fëmijë të vegjël.

Gruaja thotë se kanë bërë kallëzim dhe nuk është bërë asgjë dhe pse janë targat e makinave dhe fytyra është e identifikueshme. 4 ditë më vonë, grabitësit u futën sërish në shtëpi, por këtë herë nuk gjetën gjë. Këtë herë policia i kishte akuzuar familjarët se e kishin bërë vetë. Denoncuesja thotë se ndjehen të rrezikuar.

Qytetarja: Pas 4 ditëve që ndodhi, herën e parë na hynë prapë nga dritarja e dhomës. Aty nuk kanë marrë asgjë sepse nuk kishin çfarë të merrnin. Nuk e di nëse janë të njëjtit persona apo të tjerë…

Gazetarja: Por përsëri, jeta juaj është vendosur në rrezik?

Qytetarja: Po, dhe përsëri policia nuk ka bërë asnjë gjë dhe herën e dytë as nuk na kanë besuar sepse kanë thënë “e keni bërë ju vetë”. Kanë thënë që duhet të presim sepse materialet janë dërguar në prokurori…

Gazetarja: Kjo përgjigje ka qenë pasi kanë hyrë personat herën e dytë?

Qytetarja: Po, mua më çudit me targën e makinës dhe nuk kanë bërë asgjë. Tani ne na duhet të presim që të na hyjnë herën e tretë në shtëpi që mund të më bëjnë ndonjë gjë sepse kështu i bie që ne jemi në rrezik çdo ditë.

Në komisariatin e policisë i thonë se materialet i kanë kaluar prokurorisë.

Punonjësi: Kanë shkuar në prokurori. Presin vetëm prokurorin. Prokuroria vazhdon. Kanë shkuar të nesërmen. Në 21 e ke bërë, në 22 kanë shkuar në prokurori ato. Nuk i mban asnjë sekondë më këtu.

Denoncuesja: Ngaqë ka ndodhur brenda një jave dy herë, jemi…

Punonjësi: Për çdo gjë do njoftoheni.

OPGJ, i cili ka marrë çështjen, nuk ka marrë as dëshminë për këtë ngjarje.

Gazetarja: Alo! Përshëndetje! Si ia kalon?

OPGJ: Po!

Gazetarja: Do t’i drejtoheni me shkresë komisariatit dhe prokurorisë!

OPGJ: Për shkak të hetimit, nuk mund t’ju jap informacion./ Tv Klan

Pas