Italia ka shënuar 72 viktima nga koronavirusi në 24 orët e fundit.
Ndërkohë, janë shënuar 270 raste të reja me Covid-19, duke regjistruar ulje të ndjeshme të tyre krahasuar me një ditë më parë.
Ditën e djeshme, bilanci i viktimave në Itali ishte 85, ndërsa rastet e reja ishin 518.
Edhe pse një nga vendet më të goditura nga pandemia COVID-19, Italia hapi kufijtë e brendshëm e të jashtëm dhe tashmë, në shtetin fqinj është kthyer qarkullimi i lirë në të gjithë territorin kombëtar e hyrje-daljet në të gjitha rajonet./Opinion.al
