Bota

Itali/Shkëputet kabina e teleferikut, 9 të vdekur, plagosen rëndë 2 fëmijë


Bëhu pjesë e Grupit Zyrtar të Opinion.al
>> KËTU <<
               Publikuar në : 15:27 - 23/05/21 |
Opi Nion

Një ngjarje e rëndë është regjistruar gjatë paradites së sotme në Itali, ku një teleferik me 11 persona, është shkëputur dhe është përplasur në tokë, duke lënë të vdekur 9 persona dhe 2 fëmijë të plagosur rëndë. Aksidenti ndodhi në qytetin turistik Stresa në brigjet e liqenit Maggiore në rajonin e Piemonte.

Teleferiku Stresa-Mottarone merr turistë dhe vendas, në liqenin Maggiore, pothuajse 1,400 metra mbi nivelin e detit, deri në majën e malit Mottarone për 20 minuta.

Sipas Ansa.it, 2 fëmijë, 5 dhe 9 vjeç, të vetmit që i kanë mbijetuar aksidentit tragjik, janë dërguar menjëherë në urgjencë përmes një helikopteri.

Aksidenti mendohet se është shkaktuar nga shkëputja e një litari rreth 300 metra nga maja e malit ku është stacioni i mbërritjes. Kabina u shemb në një pjesë të pyllëzuar dhe të paarritshme, ku operacionet e shpëtimit nuk janë të lehta. Zjarrfikësit e komandës provinciale të Verbania, ata të Gravellona Toce po punojnë në vendngjarje, gjithashtu një helikopter i zjarrfikësve është vënë në dispozicion.

Teleferiku u rihap sërish në dispozicion të qytetarëve më 24 prill, pas lehtësimit të masave anti-COVID në Itali. Ndërsa në vitin 2016, një shumë prej 4 milionë e 400 mijë eurosh janë investuar për kontrollin, rregullimin dhe riparimin e teleferikëve./Opinion.al

Pas