487 persona kanë humbur jetën nga COVID-19 në 24 orët e fundit në Itali. Autoritetet shëndetësore bëjnë me dije se janë konfirmuar 17.221 raste të reja me COVID-19.
Ndërkohë, shtrimet në spital janë në ulje konstante, ndërsa pacientët në gjendje të rëndë mbeten pothuajse 3700. Lombardia është rajoni më i goditur, i ndjekur nga Pulia dhe Kampania.
Ndërkohë, fushata e vaksinimeve vijon, edhe pse me shpejtësi të reduktuar nga vendimi i autoriteteve për bllokimin e vaksinës Astra Zeneca tek personat nën 60 vjeç.
Deri më tani, janë injektuar pothuajse 12 milionë vaksina, dhe 3.6 milionë persona kanë marrë edhe dozën e dytë.
